It’s Awright tae Pee in the Sea (Scots)

1. It’s awright tae pee
2.  while ye swim in the sea.
3. Ye kin throw a guid shy
4.  playing fitba on Skye.
5. Ye kin share oot yer wine
6.  wi’ an Eberdeen quine.
7. If ye want ye kin bide
8.  in a bin by the Clyde.
9. And it’s awright tae pee in the sea.
   
   
10. Dinnae float like yer deid
11.  in the baths at Baurheid.
12. Dinnae huv an affair
13.  wi’ a lassie fae Ayr.
14. Dinnae scratch your ersehole
15.  roon the shoaps in Maybole.
16. Dinnae hide a deid boady
17.  ben the castle at Brodie.
    
    
18. But it’s awright tae pee in the sea.
    
    
19. Dinnae fecht wae a posse
20.  a’ neds o’er at Rothesay.
21. Dinnae bare yer bahookie
22.  oot the windae in Freuchie.
23. Dinnae haulf inch a motor
24.  fae a Fife fermer’s dochter.
25. Dinnae dae genocide
26.  cuttin’ roon Mornin’side.
    
    
27. But it’s awright tae pee in the sea.
    
    ____
    
    

by Albert Semple
27 lines over 5 stanzas.